काठमाण्डौं । नोबल कोरोना भाइरस (कोभिड–१९)बाट आज थप १ हजार ४३ जनामा संक्रमण पुष्टी भएको छ ।
पछिल्लो २४ घण्टामा देशको विभिन्न प्रयोगशालामा १५ हजार ४६५ जनाको नमूना परिक्षणका क्रममा बुधबार १ हजार ४३ जनामा संक्रमण देखिएको स्वास्थ्य तथा जनसंख्या मन्त्रालयले पुष्टी गरेको हो ।
आज संक्रमण देखिनेहरुमा पीसीआर तर्फ ११ हजार १६५ जनाको नमूना परिक्षण गर्दा ८४९ जना र ४ हजार ३०० जनाको एन्टिजेन परिक्षण गर्दा १९४ जनामा संक्रमण देखिएको छ ।
बुधबार संक्रमण देखिएका सहित पीसीआर तर्फ ७ लाख ९९ हजार ६१५ जना र एन्टिजेन तर्फ ९२ हजार ६५२ जनामा संक्रमण भएको छ ।
बुधबार नै थप ८९१ जनाले कोरोना जित्न सफल भएका छन् । यो सहित अहिले सम्म ७ लाख ७२ हजार २२९ जनाले कोरोना जित्न सफल भएका छन् ।
त्यस्तै पछिल्लो २४ घण्टामा कोरोना संक्रमण भएका १२ जनाले ज्यान गुमाएका छन् । यो सहित संक्रमण भएर ज्यान गुमाउनेको संख्या ११ हजार १९२ पुगेको मन्त्रालयले जनाएको छ ।
