काठमाण्डौं । नोबल कोरोना भाइरस (कोभिड–१९)बाट आज थप ९६८ जनामा संक्रमण पुष्टि भएको छ ।
पछिल्लो २४ घन्टामा देशको विभिन्न प्रयोगशालामा १६ हजार ४२ जनाको नमूना परीक्षण गर्दा मंगलबार ९६८ जनामा संक्रमण देखिएको स्वास्थ्य तथा जनसंख्या मन्त्रालयले जनाएको छ ।
आज संक्रमण देखिएका मध्ये ११ हजार ५८२ जनाको पीसीआर गर्दा ७६२ जना र ४ हजार ४६० जनाको एन्टिजेन परीक्षण गर्दा २०६ जनामा संक्रमण पुष्टि भएको हो । यो सहित संक्रमितहरुको संख्या पीसीआर तर्फ ७ लाख ९८ हजार ७६६ जना र एन्टिजेन तर्फ ९२ हजार ४५८ जना पुगेको छ ।
यस्तै पछिल्लो २४ घन्टामा १ हजार ११४ जनाले कोरोना जित्न सफल भएका छन् । यो सहित कोरोना जित्नेको संख्या हालसम्म ७ लाख ७१ जहार ३३८ जना भएका छन् ।
त्यस्तै गरी पछिल्लो २४ घण्टामा कोरोना संक्रमित मध्ये थप ६ जनाको ज्यान गएको छ । यो सहित कोरोना संक्रमणबाट ज्यान गुमाउनेको संख्या ११ हजार १८० पुगेको मन्त्रालयले जनाएको छ ।