काठमाण्डौ । नेपाल टेलिकमले सस्तो डोटा तथा भ्वाइस कलको अफर ल्याएको छ । आफ्ना फोरजी प्रयोगकर्ताका लागि टेलिकमले नयाँ अफर सार्वजनिक गरेको हो ।
कम्पनीले ल्याएको नयाँ संस्तो अफरमा १२५ रुपैयाँमा ४ जीबी डेटा र १०० मिनेट भ्वाइस कल भएको प्याकेज रहेको जनाएको छ ।
कम्पनीका अनुसार यो अफरमा प्राप्त हुने ४ जीबी डेटा मध्ये १ जीबी अल्टरनेट (टुजी, थ्रीजी र फोरजी) डेटाको रुपमा प्रयोग गर्न सकिनेछ भने बोनसको रुपमा प्राप्त हुने ३ जीबी डेटा भने फोरजीमा मात्रै प्रयोग हुनेछ ।
कम्पनीका प्रयोगकर्ताले मोबाइलमा १४१५ डायल गरेर तथा कम्पनीको एनटीएप प्रयोग गरेर यो प्याक लिन सक्ने जनाएको छ ।
एकसाथ डेटा, बोनस र भ्वाइस कल समावेश गरेको यो प्याकेजलाई ‘थ्री इन वान’ अर्थात ‘एउटैमा तीन’ नाम दिएइको छ । जसको मान्य अवधि ५ दिन रहेको छ ।
साथै कम्पनीले दशैं अघि आकर्षक चाडबाड अफर ल्याउने जानकारी समेत दिएको छ ।
