साँकेतिक तस्बिर
रौतहट । रौतहटको चाँदी–वाग्मती खण्डमा भारतीय मालवाहक ट्रकको ठक्करबाट स्ववियूका पूर्व सचिवको ज्यान गएको छ । चन्द्रपुर नगरपालिका–२ स्थित पूर्व–पश्चिम राजमार्गअन्तर्गत पर्ने उत्त खण्डमा दुर्घटनामा संलग्न ट्रक र चालकलाई प्रहरीले नियन्त्रणमा लिएको छ ।
शुक्रबार राति ९ बजे चाँदीपुलनजिक पूर्वबाट आउँदै गरेको यूपी ३५ एटी ४२७३ नम्बरको भारतीय मालवाहक ट्रकको ठक्करबाट चन्द्रपुर–२ जुडिबेला घर भएका ३७ वर्षीय सोनालाल चौधरीको ज्इान गएको प्रहरीले जनाएको छ ।
रातको समयमा ना. ३५ प १८९३ नम्बरको मोटरसाइकल चढेर घर जादै गर्दा बाटोमा ट्रकले ठक्कर दिएपछि चौधरी गम्भीर घाइते भएका थिए । तत्कालै उपचारका लागि स्थानीय एपोलो सिटी अस्पताल लगिएको भएता पनि चौधरीको मृत्यु भएको इलाका प्रहरी चन्द्रनिगाहपुरले जानकारी दिएको हो ।
ठक्कर दिएलगत्तै ट्रक सहित चालक भागेको भएता पनि प्रहरीले ट्रकला बाराको निजगढ बजारबाट प्रहरीले नियन्त्रणमा लिन सफल भएका थियो ।
मृतक चौधरी कांग्रेसका स्थानीय युवा नेता र जनज्योति बहुमुखी क्याम्पस चन्द्रनिगाहपुरका स्ववियूको पूर्व सह सचिव समेत हुन् ।
