काठमाण्डौं । नोबल कोरोना भाइरस (कोभिड–१९)बाट आज थप १ हजार ६६ जनामा संक्रमण पुष्टी भएको छ ।
देशको विभिन्न प्रयोगशालामा १३ हजार ३६८ जनाको नमूना परिक्षण गर्दा शुक्रबार १ हजार ६६ जनामा संक्रमण देखिएको स्वास्थ्य तथा जनसंख्या मन्त्रालयले जनाएको छ ।
संक्रमण देखिएका मध्ये १० हजार ११३ जनामा गरिएको पीसीआर परिक्षणमा क्रममा ८९८ जना र ३ हजार २५५ जनामा गरिएको एन्टिजेन परिक्षणका क्रममा १६८ जनामा संक्रमण देखिएको हो ।
आज संक्रमण देखिएका सहित पीसीआर तर्फ ७ लाख ९५ हजार ९५९ जना र एन्टिजेन तर्फ ९१ हजार ७२१ जना पुगेका छन् । शुक्रबार नै थप ९३८ जनाले कोरोना जित्न सफल भएका छन् । यो सहित ७ लाख ६६ हजार ६९६ जनाले कोरोना जित्न सफल भएको मन्त्रालयले जनाएको छ ।
त्यस्तै पछिल्लो २४ घण्टामा थप १३ जनाको ज्यान गएको छ । यो सहित संक्रमणका कारण ज्यान गुमाउनको संख्या ११ हजार १४८ जना पुगेको छ ।