काठमाण्डौं । नोबल कोरोना भाइरस (कोभिड–१९)बाट आज १ हजार १५७ जनामा संक्रमण पुष्टि भएको छ ।
देशको विभिन्न प्रयोगशालामा १४ हजार ५४१ नमूना परीक्षण गर्दा १ हजार १५७ जनामा संक्रमण देखिएको स्वास्थ्य तथा जनसंख्या मन्त्रालयले जनाएको छ ।
आज संक्रमण भएकाहरुमा १० हजार ६५२ जनाको पीसीआर गर्दा ८९२ र ३ हजार ८८९ जनाको एन्टिजेन गर्दा २६५ जनामा संक्रमण देखिएको छ ।
आज संक्रमण देखिएका सहित पीसीआर तर्फ ७ लाख ९४ हजार १६३ जना र एन्टिजेन तर्फ ९१ हजार ३७३ जना पुगेका छन् ।
बुधबार थप १ हजार ११३ जनाले कोरोना जित्न सफल भएका छन् । यो सहित कोरोना जित्नेको संख्या ७ लाख ६४ हजार ८४७ जना पुगेको मन्त्रालयले जनाएको छ ।
यस्तै पछिल्लो २४ घन्टामा कोरोनाबाट थप ८ जनाको मृत्यु भएको छ। यो सहित संक्रमणबाट ज्यान गुमाउनेको संख्या ११ हजार १२३ पुगेको छ ।
