साँकेतिक तस्बिर
ताप्लेजुङ । ताप्लेजुङको फुङलिङस्थित एक भीरमा मृत भेटिएकी १९ वर्षीया युवती पुष्पा तबेबुङ लिम्बुको हत्या आरोपमा उनकै प्रेमीलाई प्रहरीले पक्राउ गरेको छ ।
फुङलिङ नगरपालिकामा अवस्थित भानुजन माविमा कक्षा ११ मा पढ्ने लिम्बुको शव गएको शुक्रबार फुङलिङ नगरपालिका ७ दोखु सिरानको भीरमा फेला परेको थियो ।
लिम्बुको हत्या आरोपमा प्रहरीले उनका प्रेमी फुङलिङ नगरपालिका १० फुरुम्बुका राम कार्कीलाई प्रहरीले पक्राउ गरेको ताप्लृजुङ प्रहरीले जनाएको छ । प्रहरी नायब उपरीक्षक बालनरसिंह राणाका अनुसार कार्की ट्रयाक्टर चालक हुन् ।
पक्राउ परेको कार्कीले पुष्पालाई ललाईफकाई बिष खान दिएको र त्यस पछि भिरबाट धकेली दिएको प्रहरीमा स्विकार गरेको प्रहरीले जनाएको छ । दुवै बिच प्रेम सम्वन्ध रहेको उनको हत्या किन भयो भन्ने बारेमा प्रहरी अनुसन्धान थालेको पनि प्रनाउ राणाले बताए ।
युवती सदरमुकाम फुङलिङको बिहीबारेमा दिदीसँग बस्दै आएकी थिइन् ।
युवतीले बिहीबार बेलुका कार्कीसँग मोवाइलमा कुराकानी गरेको र त्यसै रात देखी पुष्पा बेपत्ता भएको र शुक्रबार सदरमुकाम दुध पुरयाउन आएकाहरुले भिरमा युवतीको शव देखे पछि प्रहरीलाई खबर गरेका थिए ।