काठमाण्डौं । नोबल कोरोना भाइरस (कोभिड–१९)बाट आज थप ८३४ जनामा संक्रमण पुष्टी भएको छ ।
देशको विभिन्न प्रयोगशालामा गरिएको १३ हजार ७३६ जनाको नमूना परक्षणका क्रममा आइतबार ८३४ जनामा संक्रमण देखिएको स्वास्थ्य तथा जनसंख्या मन्त्रालयले जनाएको छ ।
संक्रमण भएका मध्ये ८ हजार ५८९ जनाको पीसीआर गर्दा ७३० जना र ५ हजार १४७ जनाको एन्टिजेन परिक्षण गर्दा १०४ जनामा संक्रमण देखिएको हो ।
आज संक्रमण देखिएका सहित पीसीआर तर्फ ७ लाख ९१ हजार ३९२ जना र एन्टिजेन तर्फ ९० हजार ५४७ जना पुगेका छन् ।
आइतबार नै थप १ हजार २७९ जनाले कोरोना जित्न सफल भएका छन् । यो सहित अहिले सम्म ७ लाख ६१ हजार १५४ जनाले कोरोना जितेका छन् ।
त्यस्तै गरी पछिल्लो २४ घण्टामा संक्रमित मध्ये थप ९ जनाको ज्यान गएको छ । संक्रमणका कारण ज्यान गुमाउनेको संख्या ११ हजार ९६ जना पुगेको मन्त्रालयले जनाएको छ ।
