साँकेतिक तस्बिर
मोरङ । मोरङमा १७ केजी गाँजा सहित १ जना युवतीलाई प्रहरीले पक्राउ गरेको छ ।
बिराटनगर महानगरपालिका १४ जतुवा बस्ने २५ बर्षीया आरती देवी यादवलाई १७ केजी गाँजा सहित प्रहरीले पक्राउ गरेको हो ।
यादवले घरमा गाँजा लुकाई राखेको भन्ने सूचनाको आधारमा ईलाका प्रहरी कार्यालय रानीबाट खटिएको प्रहरीले उनको घर तलासी गर्दा उक्त परिमाणको गाँजा प्रहरीले फेला पारे पछि यादवलाई पक्राउ गरीएको प्रहरीले जनाएको छ ।
पक्राउ परेकी उनलाई लागु औषध मुद्वा दर्ता गरी थप अनुसन्धान भईरहेको प्रहरीले जानकारी दिएको छ ।