काठमाण्डौं । नोबल कोरोना भाइरस (कोभिड–१९)बाट आज थप ९५३ जनामा संक्रमण पुष्टी भएको छ ।
देशभरको विभिन्न प्रयोगशालामा गरिएको १० हजार ५७९ जनाको नमूना परिक्षणका क्रममा शनिबार ९५३ जनामा संक्रमण देखिएको स्वास्थ्य तथा जनसंख्या मन्त्रालयले पुष्टी गरेको हो ।
संक्रमित मध्ये ७ हजार ५० जनामा पीसीआर परिक्षण गर्दा ७९० जना र ३ हजार ५२९ जनामा गरिएको एन्टिजेन परिक्षणका क्रममा १६३ जनामा संक्रमण देखिएको छ ।
आज संक्रमण देखिएका सहित पीसीआर तर्फ ७ लाख ९० हजार ६६२ जना र एन्टिजेन तर्फ ९० हजार ४४३ जना संक्रमित रहेका छन् ।
शनिबार नै थप १ हजार ३७१ जनाले कोरोना जित्न सफल भएका छन् । यो सहित कोरोना जित्नेको संख्या ७ लाख ५९ हजार ८७५ जना पुगेका छन् ।
त्यस्तै गरी पछिल्लो २४ घण्टामा संक्रमित मध्ये थप ६ जनाले ज्यान गुमाएका छन् । यो सहित संक्रमणबाट ज्यान गुमाउनेको संख्या ११ हजार ८७ जना पुगेको छ ।
शनिबार सम्म देशै भर १९ हजार ७०० सक्रिय संक्रमित मध्ये ३६३ जनाको सघन उपचार कक्षमा उपचार भई रहेको छ भने १०९ जनाको भेन्टिलेटरमा राखेर उपचार भई रहेको छ ।
त्यस्तै गरी, सक्रिय संक्रमित मध्ये १८ हजार ३४० जना होम आईसोलेशनमा, १ हजार ३६० जना संस्थागत आईसोलेशनमा र २३७ जना क्यारेन्टाईनमा रहेको मन्त्रालयले जनाएको छ ।
