चितवन । चितवनमा चोरीको आरोपमा धादिङकी एक युवती पक्राउ परेकी छिन् ।
धादिङ जिल्ला त्रिपुरासुन्दरी गाउँपालिका ५ बस्ने २४ बर्षिया पुष्पा सिटौला नगद तथा गरगहना चोरीको आरोपमा पक्राउ परेकी जिल्ला प्रहरी कार्यालय चितवनले जनाएको छ ।
भरतपुर महानगरपालिका १० बस्ने सावित्री दवाडीको घरबाट कोही नभएको मौका छोपि असोज ६ गते १ः३० बजे विभिन्न गरगहना र नगद चोरी गरेको भन्ने सुचनाका आधारमा जिल्ला प्रहरी कार्यलय चितवनबाट खटिएको टोलिले उनलाई सोही दिन बेलुका ४ः५० बजे भरतपुर महानगरपालिका ११ बाट चोरी गरेका नगद, गरगहना र ताल्चा फुटाउन प्रयोग गरेको रडसहित सिटौलालाई पक्राउ गरेको प्रहरी प्रवत्ता सुर्य थापाले जानकारी दिए ।
पक्राउ परेका महिलालाई चोरी तथा डाँका मुद्वा सम्बन्धि कसुरमा जिल्ला अदालतबाट म्याद अनुमति लिई थप अनुसन्धान भइरहेको चितवन प्रहरीले जनाएको छ ।
