काठमाण्डौं । नोबल कोरोना भाइरस (कोभिड–१९)बाट आज थप १ हजार ४७६ जनामा संक्रमण पुष्टी भएको छ ।
देशभरको विभिन्न प्रयोगशालामा गरिएको १५ हजार ६९० जनाको नमूना परिक्षणका क्रममा शुक्रबार १ हजार ४७६ जनामा संक्रमण देखिएको स्वास्थ्य तथा जनसंख्या मन्त्रालयले पुष्टी गरेको हो ।
संक्रमण देखिएका मध्ये १० हजार ५७५ जनाको पीसीआर परिक्षण गर्दा १ हजार १०३ जना र ५ हजार ११५ जनामा एन्टिजेन परिक्षण गर्दा ३७३ जनामा संक्रमण देखिएको छ ।
आज संक्रमण देखिएका सहित संक्रमितहरुको संख्या पीसीआर तर्फ ७ लाख ८९ हजार ८७२ जना र एन्टिजेन तर्फ ९० हजार २८० जना पुगेका छन् ।
शुक्रबार नै थप १ हजार ५५० जनाले कोरोना जित्न सफल भएका छन् । यो सहित कोरोना जित्नेको संख्या ७ लाख ५८ हजार ५०४ जना पुगेका छन् ।
त्यस्तै गरी पछिल्लो २४ घण्टामा कोरोना संक्रमित मध्ये थप ९ जनाको ज्यान गएको छ । यो सहित संक्रमण कारण ज्यान गुमाउनेको संख्या ११ हजार ८१ जना पुगेका छन् ।
मन्त्रालयले दिएको जानकारी अनुसार देशैभर २० हजार २८७ जना सक्रिय संक्रमित रहेको र त्यस मध्ये ३४७ जनाको सघन उपचार कक्षमा राखेर उपचार भई रहेको छ भने १०५ जनामा भेन्टिलेटरमा राखेर उपचार भई रहेको छ ।
संक्रमित मध्ये १८ हजार ६९६ जना होम आइसोलेशनमा रहेका छन भने १ हजार ३१८ जना संस्थागत आइसोलेशनमा र २४४ जना क्वारेन्टाइनमा रहेको पनि मन्त्रालयले जनाएको छ ।
