काठमाण्डौं । नोबल कोरोना भाइरस (कोभिड–१९)बाट आज थप १ हजार २३९ जनामा संक्रमण पुष्टी भएको छ ।
देशको विभिन्न प्रयोगशालामा गरिएको १५ जहार २४३ जनाको नमुना परिक्षणका क्रममा बिहीबार १ हजार २३९ जनामा संक्रमण देखिएको स्वास्थ्य तथा जनसंख्या मन्त्रालयले जनाएको छ ।
संक्रमण देखिएका मध्ये ११ हजार ६२९ जनाको पीसीआर गर्दा ९४१ जना र ३ हजार ६१४ जनामा एन्टिजेन परिक्षण गर्दा २९८ जनामा संक्रमण देखिएको छ ।
आज संक्रमण देखिएका सहित नेपालमा संक्रमितहरुको संख्या पीसीआर तर्फ ७ लाख ८८ हजार ७६९ जना र एन्टिजेन तर्फ ८९ हजार ९०७ जना पुगेका छन् ।
त्यस्तै गरी बिहीबार नै थप १ हजार ३२४ जनाले कोरोना जित्न सफल भएका छन् । यो सहित कोरोना जित्नेको संख्या ७ लाख ५६ हजार ९५४ जना पुगेका छन् ।
आज सम्म ४१ लाख ३६ हजार २०८ जनाका पीसीआर र ५ लाख ५१ हजार २०७ जनाको एन्टिजेन परिक्षण गराईएको मन्त्रालयले जानकारी दिएको छ ।
त्यस्तै गरी पछिल्लो २४ घण्टामा कोरोना संक्रमण भएका मध्ये थप १३ जनाले ज्यान गुमाएका छन् । यो सहित संक्रमणका कारण ज्यान गुमाउनेको संख्या ११ हजार ७२ जना पुगेको छ ।
संक्रमित मध्ये ३५० जनाको संघन उपचार कक्षमा राखेर उपचार भई रहेको र १११ जनाको भेन्टिलेटरमा राखेर उपचार भई रहेको छ ।
उता २० हजार ७४३ जना सक्रिय संक्रमित मध्ये १९ हजार ४३७ जना होम आईसोलेसनमा, १ हजार ३०६ जना संस्थागत आईसोलेशनमा र २४६ जना क्वारेन्टाइनमा रहेको पनि मन्त्रालयले जनाएको छ ।
