पोखरा । रसियामा हुने विश्व हाप्किदो च्याम्पियनसिपमा सहभागी हुने खेलाडीहरुलाई पोखराबाट बिदाइ गरिएको छ ।
च्याम्पियनसिपमा सहभागी हुनका लागी पोखरामा १ महिने बन्द प्रशिक्षणमा रहेका हाप्किदोको खेलाडीहरुलाई बुधबार एक कार्यक्रम बिच पोखरा रंगशालामा आयोजित कार्यक्रम मार्फत गण्डकी प्रदेशका मुख्यमन्त्री कृष्णचन्द्र नेपाली पोखरेलले विदाइ गरेका हुन ।
हाप्किदोका खेलाडीहरुलाई विदाई गर्दै मुख्यमन्त्री पोखरेलले खेलाडीहरुलाई राज्यले प्रयाप्त सेवा सुविधा उपलब्ध गराउन नसकेपनि प्रशिक्षक र खेलाडीहरुको आफ्नै प्रयास र मेहनतले अन्तराष्ट्रिय प्रतियोगितामा भाग लिएर नेपाल र नेपालीको सान विश्वसामु पु¥याउन सफल भएको गर्व महशुस गरेको बताए ।
राज्यले सुविधा दिन नसक्दापनि खेलाडीहरुको अथक मेहनत र प्रयासबाट प्राप्त उपलब्धिबाट गौरव गर्ने अवसर पाएको वताउदै मुख्यमन्त्री पोखरेलले गण्डकी प्रदेश सरकारले पूर्वाधार निर्माण र खेलाडी प्रोत्साहनका लागी आगामी दिनमा अगाडी वढ्ने वताए ।
कार्यक्रममा राष्टिय खेलकुद परिषदका सदस्य राजेशकुमार गुरुङ, गण्डकी प्रदेश खेलकुद परिषदका सदस्यसचिव तेजबहादुर गुरुङ, नेपाल मार्शल आर्टस संघ हाप्किडो संघ गण्डकी प्रदेशका उपाध्यक्ष खेम बहादुर गुरुङ, नेपाल मार्शल आर्टस संघ हाप्किडो संघ केन्द्रीय अध्यक्ष कालिबहादुर घर्तीमगर, खेलकुद पत्रकार मञ्च गण्डकीका अध्यक्ष एकराज गिरी, नेपाल मार्शल आर्टस संघ हाप्किडो संघ गण्डकी अध्यक्ष एमबी आस्था मगर लगायतको उपस्थिती रहेको थियो ।
आगामी कार्तिक ५ देखि ७ गते सम्म रसियाको सेन्ट पिटर्सवर्गमा हुने विश्व हाप्किडो च्याम्पियनशिपमा खेलाडी र प्रशिक्षक सहित २० जना सहभागी हुनेछन ।