काठमाण्डौं । नोबल कोरोना भाइरस (कोभिड–१९)बाट आज थप १ हजार ४७८ जनामा संक्रमण पुष्टी भएको छ ।
देशैभरको विभिन्न प्रयोगशालामा गरिएको १३ हजार ९३० जनाको नमुना परिक्षणका क्रममा बुधबार १ हजार ४७८ जनामा संक्रमण देखिएको स्वास्थ्य तथा जनसंख्या मन्त्रालयले जनाएको छ ।
आज संक्रमण देखिएका मध्ये ११ हजार ६७ जनाको पीसीआर गर्दा १ हजार २५१ जना र २ हजार ८६३ जनाको एन्टिजेन परिक्षण गर्दा २२७ जनामा संक्रमण देखिएको छ ।
आज संक्रमण देखिएका सहित संक्रमितहरुको संख्या पीसीआर तर्फ ७ लाख ८७ हजार ८२८ जना र एन्टिजेन तर्फ ८९ हजार ६०९ जना पुगेका छन् ।
बुधबार नै थप १ हजार ६३० जनाले कोरोना जित्न सफल भएका छन् । यो सहित नेपालमा कोरोना जित्नेको संख्या ७ लाख ५५ हजार ६३० जना पुगेका छन् ।
त्यस्तै गरी पछिल्लो २४ घण्टामा संक्रमित मध्ये ६ जनाको ज्यान गएको छ । यो सहित संक्रमण भएर ज्यान गुमाउनेको संख्या ११ हजार ५९ जना पुगेको मन्त्रालयले जनाएको छ ।
