काठमाण्डौं । नोबल कोरोना भाइरस (कोभिड–१९)बाट आज थप १ हजार ९५ जनामा संक्रमण पुष्टि भएको छ ।
देशभर रहेको विभिन्न प्रयोगशालामा गरिएको १३ हजार ८१७ नमूना परीक्षणमा सोमबार १ हजार ९५ जनामा संक्रमण देखिएको स्वास्थ्य तथा जनसंख्या मन्त्रालयले जनाएको छ ।
संक्रमण देखिएका मध्ये १० हजार ७८६ जनाको पीसीआर गर्दा ९७५ जना र ३ हजार ३१ जनाको एन्टिजेन परीक्षण गर्दा १२० जनामा संक्रमण देखिएको छ ।
आज संक्रमण भएका सहित नेपालमा कोरोना संक्रमितको संख्या पीसीआर तर्फ ७ लाख ८५ हजार ५४१ जना र एन्टिजेन तर्फ ८९ हजार ८८ जना पुगेका छन् ।
सोमबार नै २ हजार ९५७ जनाले कोरोना जित्न सफल भएका छन् । यो सहित कोरोना जित्नेको संख्या ७ हजार ५२ हजार १७० जना पुगेका छन् ।
त्यस्तै गरी पछिल्लो २४ घण्टामा कोरोना संक्रमित मध्ये ८ जनाको ज्यान गएको छ । यो सहित संक्रमणका कारण ज्यान गुमाउनेको संख्या ११ हजार ४८ जना पुगेको मन्त्रालयले जनाएको छ ।
देशभरका सक्रिय संक्रमित मध्ये ३७१ जनाको सघन उपचार कक्षमा राखेर उपचार भई रहेको छ भने १०८ जनाको भेन्टिलेटरमा राखेर उपचार भई रहेको छ । संक्रमित मध्ये २० हजार ८९१ जना होम आईसोलेशनमा, १ हजार ४३२ जना संस्थागत आईसोलेशनमा र २६४ जना क्वारिन्टीनमा रहेको मन्त्रालयले जनाएको छ ।