काठमाण्डौं । नोबल कोरोना भाइरस (कोभिड–१९)बाट आज थप ७३४ जनामा संक्रमण पुष्टी भएको छ ।
देशभरको विभिन्न प्रयोगशालामा गरिएको १० हजार १३ जनाको नमुना परिक्षणका क्रममा आइतबार ७३४ जनामा संक्रमण देखिएको स्वास्थ्य तथा जनसंख्या मन्त्रालयले जनाएको छ ।
आज संक्रमण देखिएका मध्ये ७ हजार ३०४ जनामा गरिएको पीसीआर परिक्षणमा ६५६ जना र २ हजार ७०९ जनामा गरिएको एन्टिजेन परिक्षणमा ७८ जनामा संक्रमण देखिएको छ ।
आज संक्रमण देखिएका सहित पीसीआर तर्फ ७ लाख ८४ हजार ५६६ जना र एन्टिजेन तर्फ ८८ हजार ९६८ जना पुगेका छन् ।
आइतबार नै १ हजार ४१३ जनाले कोरोना जित्न सफल भएका छन् । यो सहित नेपालमा कोराृेना जित्नेको संख्या ७ लाख ४९ हजार २१३ जना पुगेका छन् ।
पछिल्लो २४ घण्टामा कोरोना संक्रमण भएका मध्ये १२ जनाले ज्यान गुमाएका छन् । यो सहित नेपालमा ज्यान गुमाउनेका संख्या ११ हजार ४० जना पुगेको मन्त्रालयले जनाएको छ ।
संक्रमितहरु मध्ये आइतबार सम्म ३९० जनाले सघन उपचार कक्षमा उपचार गराई रहेका छन् भने ११७ जनाको भेन्टिलेटरमा राखेर उपचार भई रहेको छ ।