काठमाण्डौं । नोबल कोरोना भाइरस (कोभिड–१९)बाट आज थप १ हजार ५५८ जनामा संक्रमण पुष्टि भएको छ ।
देशको विभिन्न प्रयोगशालामा गरिएको १२ हजार ३८५ नमूना परीक्षणका क्रममा शुक्रबार १ हजार ५५८ जनामा संक्रमण देखिएको स्वास्थ्य तथा जनसंख्या मन्त्रालयले जनाएको छ ।
आज संक्रमण देखिएका मध्ये ८ हजार ६६५ जनाको पीसीआर गर्दा १ हजार ८६ जना र ३ हजार ७२० जनाको एन्टिजेन परीक्षण गर्दा ४७२ जनामा संक्रमण पुष्टि भएको छ ।
आज संक्रमण देखिएका सहित नेपालमा संक्रमितहरुको संख्या पीसीआर तर्फ ७ लाख ८३ हजार ७५ जना र एन्टिजेन तर्फ ८८ हजार ६५९ जना पुगेका छने ।
शुक्रबार नै थप १ हजार ३५१ जनाले कोरोना जित्न सफल भएका छन् । यो सहित नेपालमा कोरोना जित्नेको संख्या ७ लाख ४६ हजार ५६६ जना पुगेको मन्त्रालयले जनाएको छ ।
यस्तै पछिल्लो २४ घन्टामा कोरोनाबाट थप १० जनाको मृत्यु भएको छ । यो सँगै नेपालमा कोरोनाबाट मृत्यु हुनेको संख्या ११ हजार १२ पुगेको छ ।