काठमाण्डौं । दशै तथा तिहारको लागी भन्दै सरकारले देशको विभिन्न स्थानमा आजदेखी सुपथ मुल्यको पसल सञ्चालनमा ल्याएको छ ।
नजिकिदै गरेको चाडपर्वलाई लक्षित गरेर खाद्यान्नलगायत सामाग्री खरिद गर्ने ३९ स्थानमा पसल सञ्चालनमा ल्याइएको हो ।
उद्योग, वाणिज्य तथा आपूर्ति मन्त्रालयको संयोजनमा खाद्य व्यवस्था तथा व्यापार कम्पनी, साल्ट ट्रेडिङ कर्पोरेसन, दुग्ध विकास संस्थानलगायतले सुपथ मूल्यका पसल खोलेका हुन ।
काठमाण्डौं उपत्यका सहित देशभर ३९ स्थानमा यस्ता पसल आजैदेखी सञ्चलनमा आएका हुन । सुपथ मूल्यका पसलमा अन्य पसलमा भन्दा उपभोक्ताले दैनिक उपभोग्य सामाग्रीमा प्रति केजी २ रूपैयाँदेखि १० रूपैयाँसम्म छुट पाउनेछन ।
यस्ता पसलवाट चिनी, नुन, चामल, खसी–बोका, घ्यू, पनिरजस्ता सामान किन्न सकिने उद्योग, वाणिज्य तथा आपूर्ति मन्त्रालयले जनाएको छ ।
खाद्य व्यवस्था तथा व्यापार कम्पनीले सुपथ मूल्यका पसलबाट विक्री गर्न खाद्य कम्पनीले १ हजार च्याङ्ग्रा र २ हजार खसी–बोका खरिद गर्ने प्रक्रिया थालेको छ । सुपथ मूल्यका पसल कात्तिक २४ गतेसम्म सञ्चालन आउने मन्त्रालयले जनाएको छ ।