साँकेतिक तस्बिर
बझाङ । आफ्नै ८० वर्षीया हजुरआमाको हत्या गरेको आरोपमा नातिलाइए प्रहरीले पक्राउ गरेको छ ।
जिल्लाको दुगाथली गाउँपालिका ५ का २१ वर्षीया सुवास जप्रेललाई ८० वर्षीया हजुरआमा रिखीदेवी जप्रेलको हत्या गरेको आरोपमा पक्राउ गरिएको जिल्ला प्रहरी कार्यालय बझाङले जनाएको छ ।
बृद्ध हजुरआमाको हत्या गरेर घरकै आँगन नजिकै गाढेको अवस्थामा शब फेला परेको प्रहरीले जनाएको छ ।
२७ गते आमा घरमा नदेखिपछि वडा अध्यक्षसमेत रहेका रामबहादुर जप्रेलले आमाको खोजी गरेका थिए । खोृजी गर्दै जाँदा कही कतैपनि पत्तो नपाएपछि भदौ ३० गते प्रहरीमा उजुरी दर्ता गरिएको थियो ।
घरभित्र रगतका थोपाहरु देखिएको र आँगन नजिकै खनेको ठाउँसमेत देखेपछि प्रहरीलाई जानकारी गराईएको थियो ।
प्रहरी घटना स्थलमा पुगे लगत्तै हत्या आरोपी सुवास फरार भएको प्रहरीले उनलाई दुर्गाथली गाँउपालिका ७ को लोवादेब डाँडाबाट पक्राउ गरेको प्रहरीले जनाएको छ ।
मृत्रकको नाक र कानमा लगाएको सुनको मुन्द्रासमेत नभएका कारण सुवासले सुनको मुन्द्राका लागि हजुरआमाको हत्या गरेको हुन सक्ने प्रहरी प्रारम्भीक अनुसन्धानमा आशंका गरेको छ ।
