काठमाण्डौं । नोबल कोरोना भाइरस (कोभिड–१९)बाट आज थप १ हजार ७६० जनामा संक्रमण पुष्टि भएको छ ।
१६ हजार ८४४ नमूना परीक्षण गर्दा १ हजार ७६० जनामा कोरोना संक्रमण पुष्टी भएको स्वास्थ्य तथा जनसंख्या मन्त्रालयले पुष्टी गरेको हो ।
आज संक्रमण देखिएका मध्ये १२ हजार २२४ जनाको पीसीआर गर्दा १ हजार ३३२ जना र ४ हजार ३२० जनाको एन्टिजेन परिक्षण गर्दा ४२८ जनामा संक्रमण देखिएको छ ।
बुधबार संक्रमण देखिएका सहित नेपालमा कोरोना संक्रमितहरुको संख्या पीसीआर तर्फ ७ लाख ८० हजार ८२४ जना र एन्टिजेन तर्फ ८७ हजार ८४१ जना पुगेको मन्त्रालयले जनाएको छ ।
त्यस्तै गरी बुधबार नै १ हजार २२० जनाले कोरोना जित्न सफल भएका छन् । यो सहित कोरोना जित्नेको संख्या ७ लाख ४३ हजार ५२६ जना पुगेका छन् ।
पछिल्लो कोरोना संक्रमणका कारण थप ७ जनाको ज्यान गएको छ । यो सहित संक्रमणबाट ज्यान गुमाउनेको संख्या १० हजार ९९१ जना पुगेको मन्त्रालयले जनाएको छ ।