साँकतिक तस्बिर
तनहुँ । माईती आएकी एक युवती टिकटक बनाउने क्रममा सेती नदीमा खसेर बेपत्ता भएकी छिन् ।
शुक्लागण्डकी नगरपालिका ८ पुलचोकस्थित सेती नदीको रक गार्डेनमा खस्दा नवविवाहिता १९ वर्षीया पवित्रा लम्साल बेपत्ता भएको जिल्ला प्रहरी कार्यालय दमौलीले जनाएको छ ।
५ दिनअघि विवाह गरेकी लम्साल दुल्हन फर्काउन माइत आएकी थिइन् । मंगलबार दिउँसो २ जना साथीहरुसँग घुम्न पुल्चोक गएका बेला टिकटक बनाउन नदी छेउमा जाँदा एक्कासी खसेकी थिइन् ।
उनी माथिल्लो काठको पुल छेउमा रहेको ढुंगामा उभिएको बेला एक्कासी चिप्लिएर युुवती नदीमा खसेको जानकारी आएको प्रहरी निरीक्षक ज्ञानबहादुर खड्काले जनकारी दिए ।
बेपत्ता युवतीको खोजी भइरहेको प्रहरीले जनाएको छ ।
