चितवन । महेन्द्र राजमार्गअन्तर्गत नवलपुरको गैंडाकोटस्थित थुम्सीमा बस र ट्रक ठोक्किँदा ३ जनाको मृत्यु भएको छ । दुर्घटनामा २४ जना घाइते भएका छन् । मृतकहरूको सनाखत हुन नसकेको प्रहरीले जनाएको छ ।
दुर्घटनामा ट्रक चालक र बस चालकसहित २७ जना घाइते भएका थिए । घाइतेमध्ये ३ जनाको चितवनमा उपचारका क्रममा मृत्यु भएको जिल्ला प्रहरी कार्यालय नवलपुरका डीएसपी दिलिप गिरीले जानकारी दिए । घाइतेमध्ये पनि ३ जनाको गम्भीर रहेको उनले बताए ।
मंगलबार बिहान काँकडभिट्टादेखि महेन्द्रनगरतर्फ जाँदै गरेको सु. १ ख ११२३ नम्बरको बस र विपरीत दिशाबाट आउँदै गरेको ना. ६ ख ७१२६ नम्बरको ट्रक एक आपसमा ठोक्किएको थियो । थुम्सीको डाइभर्सनमा गाडी ठोक्किको प्रहरीले जनाएको छ ।