साँकेतिक तस्बिर
काठमाण्डौं । सामाजिक सञ्जाल फेसबुक, इन्स्टाग्राममा आफ्नै केटी साथीको अश्लिल फोटो र भिडियो पोष्ट गरी चरित्र हत्या गरेको अभियोगमा दोलखा १ युवकलाई प्रहरीले पक्राउ गरेको छ ।
दोलखा बैतेश्वर गाउँपालिका ८ घर भई काठमाण्डौं टोखा धनेश्वर बस्ने २३ वर्षीय सुजन जिरेललाई प्रहरीले पक्राउ गरेको हो ।
आफ्नी प्रेमिकासँग प्रेम सम्बन्धमा रहेको समयमा खिचिएका अश्लिल फोटो तथा भिडियोहरू प्रेमिकासँग विवाद परेपश्चात मोबाइल समेत खोसी उक्त अश्लिल फोटो र भिडियो पोष्ट गरी चरित्र हत्या गरेका जिरेललाई काभ्रे पाँचखालमा लुकिछिपी बसेको अवस्थामा पक्राउ गरीएको महानगरीय अपराध महाशाखाले जनाएको छ ।
जिरेललाई मिनभवनबाट खटिएको प्रहरी टोलीले पक्राउ गरेको हो । उनलाई विद्युतीय कारोवार ऐन कसूरमा आवश्यक कारवाहीको लागि महानगरीय प्रहरी परिसर काठमाण्डौंमा बुझाईएको महाशाखाले जनाएको छ ।