काठमाण्डौं । नोबल कोरोना भाइरस (कोभिड–१९)बाट आज थप ९११ जनामा संक्रमण पुष्टि भएको छ ।
देशभर भएका विभिन्न प्रयोगशालामा गरिएको ११०१८ नमूना परीक्षणका क्रममा आइतबार ९११ जनामा संक्रमण देखिएको स्वास्थ्य तथा जनसंख्या मन्त्रालयले जनाएको छ ।
आज संक्रमण देखिएकाहरु मध्ये ७ हजार ८७८ जनाको पीसीआर गर्दा ८३८ जना र ३ हजार १४० जनाको एन्टिजेन परीक्षण गर्दा ७३ जनामा संक्रमण देखिएको छ ।
आज संक्रमण देखिएका सहित पीसीआर तर्फ ७ लाख ७७ हजार १६३ जना र एन्टिजेन तर्फ ८६ हजार ६९४ जनामा संक्रमण देखिएको छ ।
आइतबार नै १ हजार ४२३ जनाले कोरोना जित्न सफल भएका छन् । यो सहित कोरोना जित्नेको संख्या ७ लाख ३९ हजार ४५७ जना पुगेको छ ।
त्यस्तै गरी पछिल्लो २४ घण्टामा कोरोना संक्रमण भएका १३ जनाको ज्यान गएको छ । यो सहित संक्रमणका कारण ज्यान गुमाउनेहरुको संख्या १० हजार ९४९ जना पुगेको मन्त्रालयले जनाएको छ ।
