संखुवासभा । संखुवासभामा गएको सोमबार ६ जनाको हत्या भएको घटनाका आरोपीलाई प्रहरीले आज सार्वजनकि गरेको छ ।
प्रहरीले मादी नगरपालिका १ खोलागाउँमा एकै परिवारका ६ जना हत्या गर्ने लोकबहादुर कार्कीलाई आइतबार सार्वजनिक गरेको हो ।
संखुवासभाको सदरमुकाम चैनपुरमा १ नम्बर प्रदेश प्रहरी कार्यालयमा पत्रकार सम्मेलनमार्फत प्रहरीले अभियुक्त कार्कीलाई सार्वजनिक गरेको छ ।
व्यक्तिगत रिसइवीका कारण लोकबहादुरले गत सोमबार बिहानै ६ जनाको हत्या गरेको प्रहरी समक्ष स्वीकार गरेको पत्रकार सम्मेलनमा प्रहरीले जानकारी गराएको थियो ।
लोकबहादुरले आफ्ना ठुलोबुवा ५८ वर्षीय तेजबहादुर कार्की, हजुर आमा ८४ वर्षीया पार्वती कार्की, ठुली आमा ५२ वर्षीया श्रीमती कमला कार्की, भाउजु ३२ वर्षीया रञ्जना कार्की, भतिज ११ वर्षीय दीपेन कार्की र भतिजी ७ वर्षीया गोमा कार्कीको हत्या गरेको गरेका थिए ।
प्रहरीका अनुसार बाटो कुरी बसेका लोकबहादुरले सुरुमा बडाबाबु तेजबहादुरलाई दाउरा प्रहार गरी हत्या गरेको र त्यसपछि अरुलाई पनि लखेटी लखेटी हत्या गरेको बयान दिएको प्रहरीले जनाएको छ ।
प्रहरीले हत्या आरोपीको घर तलासी गर्दा रगत लतपतीएको कपडा, फलाम र चिर्पट फेला पारेको थियो ।
