काठमाण्डौं । प्रिमियर लिग फुटबलमा चेल्सीले सहज जित निकालेको छ । शनिबार राति भएको खेलमा चेल्सीले एस्टोन भिल्लालाई ३–० गोल अन्तरले हराएको हो ।
घरेलु मैदानमा भएको खेलमा चेल्सीलाई जित दिलाउन रोमेलु लुकाकुले २ गोल गरेका थिए । त्यस्तै मेटो कोभासिकले १ गोल गरे ।
पहिलो हाफको १५औं मिनेटमा लुकाकुले गोल गर्दै टिमलाई अग्रता दिलाए ।
पहिलो हाफमा १ गोल गरेको चेल्सीले दोस्रो हाफमा थप २ गोल गरेको हो । चेल्सीका लागि खेलको ४९औं मिनेटमा कोभासिकले गोल गर्दै टिमलाई २–० गोलको अग्रता दिलाए ।
लुकाकुले नै खेलको इन्ज्यूरी समयमा गोल गर्दा चेल्सीले ३–० गोलको जित निकाल्न सफल भयो ।