काठमाण्डौं । नोबल कोरोना भाइरस (कोभिड–१९)बाट आज थप ९९४ जनामा संक्रमण पुष्टी भएको छ ।
देशको विभिन्न प्रयोगशालामा गरिएको ९ हजार ८४० नमूना परीक्षणका क्रममा शनिबार ९९४ जनामा संक्रमण देखिएको स्वासथ्य तथा जनसंख्या मन्त्रालयले पुष्टि गरेको हो ।
आज संक्रमण देखिएका मध्ये ६ हजार १३७ जनाको पीसीआर गर्दा ७७७ जना र ३ हजार ७०३ जनाको एन्टिजेन परीक्षण गर्दा २१७ जनामा संक्रमण देखिएको छ ।
आज संक्रमण देखिएका सहित नेपालमा संक्रमितहरुको कुल संख्या पीसीआर तर्फ ७ लाख ७६ हजार ३२५ जना र एन्टिजेन तर्फ ८६ हजार ६२१ जना पुगेका छन् ।
शनिबार नै थप १ हजार ३६८ जना कोरोनामुक्त भएका छन् । यो सहित कोरोना मुत्त हुनेको संख्या ७ लाख ३८ हजार ३४ जना पुगेका छन् ।
त्यस्तै पछिल्लो २४ घण्टामा थप १२ जनाको कोरोनाका कारण ज्यान गएको छ । यो सहित नेपालमा कोरोना संक्रमणबाट ज्यान गुमाउनको संख्या १० हजार ९३६ जना पुगेको मन्त्रालयले जनाएको छ ।
