संखुवासभा । संखुवासभामा एकैपरिवारका ६ जनाको हत्या आरोपमा नेपाल प्रहरीको सिबिआई टोलीले आज भतिजा नाता पर्नेलार्य पक्राउ गरेको छ ।
मादी नगरपालिका १ उम्लिङ खोला गाउँमा भएको सामूहिक हत्याको आरोपमा प्रहरी मृत्तक तेजबहादुर कार्कीका भतिजा नाता पर्ने लोकबहादुर कार्कीलाई शनिबार पक्राउ गरेको हो ।
आरोपित कार्कीलाई सिंगो परिवारको हत्या आरोपमा पक्राउ गरि अनुसन्धान अघि बढाइएको संखुवासभा प्रहरीले जनाएको छ ।
पक्राउ परेका कार्कीले सिआइबीका प्रहरीसमक्ष आफ्नो अपराध स्विकार गरिसकेको भएता पनि थप अध्ययन पछि मात्र आईतबार पत्रकार सम्मेलन गरी सार्वजनिक गरिने प्रहरी श्रोतले जनाएको छ ।
प्रहरीले घटनामा स्थानीय चिनेजानेकै व्यक्तिको हात रहेको अनुमान गर्दै आएको थियो । प्रहरीले अनुसन्धानको दायरालाई साघुरो बनाउदै कार्कीलाई पक्राउ गरेको जनाएको छ ।
कार्कीले व्यक्तिगत रिसिबीका कारण परिवारका ६ जनाको हत्या गरेको प्रहरीले जनाएको छ । गत सोमबार बिहान तेजबहादुर कार्कीसहित ६ जनको हत्या भएको थियो ।
घटनामा ५२ वर्षीय तेजबहादुर कार्की, ८४ वर्षीया आमा पार्वती कार्की, ५२ वर्षीया श्रीमती कमला कार्की, तेजबहादुरकी बुहारी ३२ वर्षीया रञ्जना कार्की, नाति ११ वर्षीय दीपेन कार्की र नातिनी ७ वर्षीया गोमा कार्कीको मृत्यु भएको थियो ।