काठमाण्डौं । नोबल कोरोना भाइरस (कोभिड–१९)बाट आज थप १ हजार ६४० जनामा संक्रमण पुष्टि भएको छ ।
बुधबार देशैभरको विभिन्न प्रयोगशालामा परीक्षणा गराएका १३ हजार ४५५ जनाको नमूना परिक्षमा १ हजार ६४० जनामा संक्रमण देखिएको स्वास्थ्य तथा जनसंख्या मन्त्रालयले जनाएको छ ।
आज संक्रमण देखिएका मध्ये ९ हजार ७६७ जनाको पीसीआर गर्दा १ हजार ३४७ जना र ३ हजार ६८८ जनाको एन्टिजेन परीक्षण गर्दा २९३ जनामा संक्रमण देखिएको छ ।
आज संक्रमण देखिएका सहित नेपालमा कोरोना संक्रमितको संख्या पीसीआर तर्फ ७ लाख ७३ हजार ५२९ जना र एन्टिजेन तर्फ ८६ हजार ६ जना पुगेका छन् ।
त्यस्तै बुधबार नै देशको विभिन्न स्थानमा रहेका कोरोना संक्रमित मध्ये २ हजार १६१ जनाले कोरोना जित्न सफल भएका छन् । यो सहित नेपालमा कोरोना जित्नेको संख्या ७ लाख ३३ हजार १६१ जना पुगेको मन्त्रालयले जनाएको छ ।
त्यस्तै गरी पछिल्लो २४ घण्टामा कोरोना संक्रमणका कारण थप १० जनाको ज्यान गुमाएको छन् । यो सहित नेपालमा कोरोनाबाट ज्यान गुमाउनेको संख्या १० हजार ८८९ पुगेका छन् ।
