काठमाण्डौं । नोबल कोरोना भाइरस (कोभिड–१९)बाट आज थप १ हजार ६७७ जनामा संक्रमण पुष्टि भएको छ ।
देशैभरको विभिन्न प्रयागशालामा गरिएको १५ हजार ३४ जनाको नमूना परीक्षणमा १ हजार ६७७ जनामा संक्रमण देखिएको स्वास्थ्य तथा जनसंख्या मन्त्रालयले जनाएको छ ।
आज संक्रमण देखिएका मध्ये ११ हजार १११ जनाको पीसीआर गर्दा १ हजार ४२३ जना र ३ हजार ९२३ जनाको एन्टिजेन परीक्षण गर्दा २५४ जनामा संक्रमण देखिएको छ ।
आज संक्रमण देखिएका सहित नेपालमा संक्रमितहरुको कुल संख्या पीसीआर तर्फ ७ लाख ७२ हजार १८२ जना र एन्टिजेन तर्फ ८५ हजार ७१३ जना पुगेका छन् ।
मंगलबार नै देशको विभिन्न भागमा बसोबास गर्ने २ हजार ७२ जनाले कोरोना जित्न सफल भएका छन् । यो सहित नेपालमा कोरोना जित्नेको संख्या ७ लाख ३१ हजार पुगेको छ ।
त्यसतै मंगलबार नै कोरोना संक्रमणका कारण थप २१ जनाको ज्यान गएको छ । योसहित नेपालमा कोरोना संक्रमणबाट ज्यान गुमाउनेको संख्या १० हजार ८७९ पुगेको स्वास्थ्यत तथा जनसंख्या मन्त्रालयले जनाएको छ ।