साँकेतिक तस्बिर
प्यूठान । प्यूठानमा जन्म दिन मनाउनको लागी ल्याएको केक खाएर १३ जना बिरामी परेका छन् । उनीहरु सबैलाई झाडा पखाला लाग्नुका साथै ठाउको दुख्ने समस्या देखिएको छ ।
सरुमारानी गाउँपालिका २ को दर्भानका ६९ वर्षीय एकबहादुर गुरुङको जन्मदिनमा ल्याइएको केक खादा १३ जना बिरामी परेका हुन । बिक्रेताविरूद्व प्रहरी कार्यालयमा उजुरी परेको छ ।
बिरामी पर्नेमा एकबहादुर गुरुङ उनकी श्रीमती कुमारी गुरूङ, छोरा गमान सिंह गुरूङसहित विष्णु गुरूङ, राजकुमार विष्ट, शर्मिला गुरूङ, ठगबहादुर गुरूङ, विजय गुरूङ, यमुना गुरूङ, केशव गुरूङ, कृष्णा गुरूङ, तिर्सना गुरूङ र अप्सना गुरूङ रहेका छन् ।
केक खाएका सबैलाई भोलिपल्ट झाडापखाला र वान्ता हुने तथा टाउको दुख्ने समस्या देखिएको छ । बिरामी सबैले स्थानीय मेडिकलमा उपचार गराका थिए । बिरामी परेकामध्ये १२ जनालाई ४ दिनपछि डिस्चार्ज गरेको भने कुमारी गुरूङको भने बुटवलस्थित तिलोत्तमा अस्पतालमा उपचार भइरहेको छ ।
भदौ १५ गतेको उत्त घटना हो । केक खाएका सबैलाई फुड प्वाईजन भएको अस्पतालले जनाएको छ ।