काठमाण्डौं । नोबल कोरोना भाइरस (कोभिड–१९)बाट आज थप १ हजार २६८ जनामा संक्रमण पुष्टी भएको छ ।
देशको विभिन्न प्रयोगशालामा गरिएको ९ हजार ८७५ नमूना परीक्षणमा १ हजार २६८ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
संक्रमण देखिएका मध्ये ६ हजार ७५३ नमूनाको पीसीआर गर्दा १ हजार २४ जना र ३ हजार १२२ जनाको एन्टिजेन परीक्षण गर्दा २४४ जनामा संक्रमण देखिएको छ ।
शनिबार नै २ हजार १९५ जनाले कोरोना जित्न सफल भएका छन् । यो सहित नेपालमा कोरोना जित्नेको संख्या ७ लाख २५ हजार ६५१ पुगेको छ।
पछिल्लो २४ घण्टामा कोरोना संक्रमणका कारण थप ९ जनाको मृत्यु भएको छ । यो सहित नेपालमा संक्रमणबाट ज्यान गुमाउको संख्या १० हजार ८१८ जना पुगेको मन्त्रालयले जनाएको छ ।