पर्बत । पर्वतको विभिन्न स्थानमा गएको पहिरोमा परेर ६ जनाले ज्यान गुमाएका छन् ।
पर्वत प्रहरीले दिएको जानकारी अनुसार कुश्मा नगरपालिका ३ दुर्लुङ भोगेनीमा गएको पहिरोमा परेर ३ जनाको ज्यान गएको छ । ज्यान गुमाउनेहरुमा ७५ वर्षीय कौशिला पौडेल, १६ वर्षीया बिमला पौडेल र ११ वर्षीया बिनिता पौडेल रहेका छन् ।
सोही पहिरोमा परेर हराई रहेका २ जनाको जिल्ला प्रहरी कार्यालय पर्वतबाट खटिएको प्रहरीले टोलीले खोजी गरिरहेको छ ।
पर्वतकै मोदी गाउँपालिका ५ अम्बोटमा बस्ने ५० वर्षीया फुलमाया थापाको पहिरोमा पुरिएर ज्यान गएको
प्रहरीले जनाएको छ । ओखलढुङ्गा सामुदायीक बनबाट खसेको पहिरोले टहरो बगाउँदा थापाको पुरिएरज्यान गएको हो ।
त्यस्र्तै गरी पर्वतकै कुश्मा नगरपालिका ११ सिल्मिमा पहिरो जाँदा २ जनाको ज्यान गएको छ । ज्यान गुमाउनेहरुमा घरमा पाहुना आएका मोदी गाउँपालिका ७ राम्जा घर भएका ३८ वर्षीय दुर्गा पौडेल र स्थानिय ६ वर्षीय गणेश पौडेल रहेको प्रहरीले जनाकारी दिएको छ ।
पहिरो परेर बेपत्ता भएको भन्ने खबर प्रहरीलाई प्राप्त हुनासाथ जिल्ला प्रहरी कार्यालय पर्वतबाट खटिएको प्रहरी टोलीले खोजी गर्ने क्रममा उनीहरुको शव फेला पारेको हो ।