मुग्लीन । मुग्लिन–नारायणगढ सडकखण्डमा पहिरो खस्दा सडक अवरुद्ध भएको छ । इच्छाकामना गाउँपालिका ६ को पाँचकिलो क्षेत्रमा शुक्रबार बिहान पहिरो खस्दा सडक अवरुद्ध भएको हो ।
बिहान करिब ७ः५० बजे पहिरो खस्दा सडक अवरुद्ध भएको ईलाका प्रहरी कार्यालय मुग्लीनले जनाएको छ ।
प्रहरी कार्यालयले दिएको जानकारी अनुसार अहिले पनि पानी परिरहेको र पहिरो झर्ने क्रम नरोकिएकाले पहिरो पन्छाउने काम सुरु हुनसकेको छैन ।
पहिरोले सडक पुरै ढाकेका कारण यातायात पूणरुपमा अवरुद्ध भएको छ । पहिरो खसेसँगै मुग्लिन–नारायणगढ सडकखण्ड भएर चल्ने सवारी साधन रोकिएका छन् ।
