काठमाण्डौं । अमेरिकाको न्यूयोर्कमा आएको आइडा नामक आँधी र भीषण वर्षाका कारण आएको बाढीमा परी ३ नेपालीको मृत्यु भएको छ ।
मृत्यु हुनेमा सोलुखुम्बु जिल्ला दुधकुण्ड नगरपालिका २ जुनवेशी घर भइ हाल न्युयोर्कमा बसोबास गर्दै आएका आङ गेलु लामा, उनकी पत्नी मिङमार शेर्पा र १९ महिनाको छोरा लोप्साङ लामा छन् ।
युनाईटेड शेर्पा एसोसिएसन न्यूयोर्कले दिएको जानकारी अनुसार उनीहरुको बाढीमा परी मृत्यु भएको हो ।
अमेरिकामा हालसम्म ६ वटा राज्यमा वर्षा ,बाढीका कारण ४१ जनाको मृत्यु भइसकेको छ ।
