काठमाण्डौं । नोबल कोरोना भाइरस (कोभिड–१९)बाट आज थप २ हजार ४ जनामा संक्रमण पुष्टी भएको छ ।
देशैभरका विभिन्न प्रयोगशालामा गरिएको १४ हजार ६५० जनाको नमूना परिक्षण क्रममा बिहीबार २ हजार ४ जनामा संक्रमण देखिएको स्वास्थ्य तथा जनसंख्या मन्त्रालयले पुष्टी गरेको हो ।
आज संक्रमण देखिएका मध्ये १० हजार ६५८ जनामा पीसीआर गर्दा १ हजार ६१९ जना र ३ हजार ९९२ जनामा एन्टिजेन परिक्षण गर्दा ३८५ जनामा संक्रमण पुष्टि भएको छ ।
आज संक्रमण देखिएका सहित नेपालमा संक्रमितहरुको कुल संख्या पीसीआर तर्फ ७ लाख ६५ हजार ९१४ जना र एन्टिजेन तर्फ ८४ हजार २९४ जना पुगेका छन् ।
बिहीबार नै देशको विभिन्न भागमा बसोबास गर्ने १ हजार ८४६ जनाले कोरोना जित्न सफल भएका छन् । यो सहित नेपालमा कोरोना जित्नेको संख्या ७ लाख २१ हजार १८२ जना पुगेका छन् ।
त्यस्तै गरी पछिल्लो २४ घण्टामा कोरोना संक्रमणका कारण थप १६ जनाले ज्यान गुमाएका छन् । यो सहित संक्रमणका कारण ज्यान गुमाउनेको संख्या १० हजार ७८६ जना पुगेको मन्त्रालयले जनाएको छ ।
