साँकेतिक तस्बिर
दाङ । दाङमा खोलाले कार बगाउँदा ४ जना महिलाको ज्यान गएको छ ।
ज्यान गुमाउनेहरुमा घोराही १३ का ४० वर्षीया रितामाया पुन, ३२ वर्षीया शुसीला श्रेष्ठ, घोराही १४ का ३१ वर्षीया राधा कुवँर र ४२ वर्षीया यमुना केसी रहेका छन् ।
बुधबार राति १०ः०० बजेतिर घोराही लमही सडकखण्ड अन्तर्गत पर्ने सिस्ने खोला पार गर्र्ने क्रममा प्र.३–०१–०२४ च ४४४० नम्बरको कारलाई बगाएको दाङ प्रहरीले जानकारी दिएको छ ।
कारका चालक नरबहादुर पुनलाई भने सकुशल उद्दार गरिएको जिल्ला प्रहरी कार्यालय दाङका प्रहरी प्रवक्ता डीएसपी मुकुन्दप्रसाद रिजालले जानकारी दिए ।
चालक पुनको भने खुट्टा भाँच्चिएको प्रहरीले जनाएको छ । सिस्ने खोलमा गएराती बाढी आएको थियो ।
चारै जनाको शवलाई पोस्टमार्टमका लागि राप्ती स्वास्थ्य विज्ञान प्रतिष्ठानमा राखिएको छ ।
