काठमाण्डौं । नोबल कोरोना भायरस (कोभिड–१९)बाट आज थप १ हजार ६६४ जनामा संक्रमण पुष्टी भएको छ ।
देशैभरका विभिन्न प्रयोगशालामा गरिएको १२ हजार २२२ नमूना परीक्षणमा क्रममा मंगलबार १ हजार ६६४ जनामा संक्रमण देखिएको स्वास्थ्य तथा जनसंख्या मन्त्रालयले पुष्टि गरेको हो ।
आज संक्रमण देखिएका मध्ये ९ हजार ११७ जनाको नमूनाको पीसीआर परिक्षणमा १ हजार ५२३ जना र ३ हजार १०५ नमूनाको एन्टिजेन परीक्षण गराउदा १४१ जनामा संक्रमण देखिएको छ ।
आज संक्रमण देखिएका सहित नेपालमा संक्रमितहरुको कुल संख्या पीसीआर तर्फ ७ लाख ६२ हजार ६४७ जना र एन्टिजेन तर्फ ८३ हजार ५०५ जना पुगेको छ ।
मंगलबार नै देशको विभिन्न भागमा बस्ने १ हजार ७८६ जनाले कोरोना जितेका छन् । यो सहित नेपालमा कोरोना जित्नेको संख्या ७ लाख १६ हजार ३०६ पुगेको छ ।
त्यस्तै गरी पछिल्लो २४ घण्टामा कोरोना संक्रमणका कारण थप २० जनाको ज्यान गएको छ । यो सहित नेपालमा संक्रमणबाट ज्यान गुमाउनेको संख्या १० हजार ७५० पुगेको मन्त्रालयले जनाएको छ ।