लमजुङ । लमजुङमा गएराती आगलागीमा परेर श्रीमान श्रीमतीको ज्यान गएको छ ।
मर्स्याङ्दी गाउँपालिका ९ सिम्पानी सेग्लेमा भएको आगलागीमा परी श्रीमान श्रीमतीको ज्यान गएको हो ।
घरको धन्सारमा बस्दै आएका ५६ वर्षीय धर्मराज भण्डारी र उनकी पत्नी ५० वर्षीया पशुपतिको सोमबार राति घरमा आगलागी हुँदा घटनास्थलमै ज्यान गएको लमजुङ प्रहरीले जनाएको छ ।
परिवारमा कोही पनि नभएका उनीहरु परिवारबाट छुट्टिएर धन्सारमा बस्दै आएको प्रहरीले जानकारी दिएको छ । मध्य रातमा भएको आगलागी स्थानियले निभाउने प्रयास गरेका थिए ।
जिल्ला प्रहरी कार्यालयका डीएसपी कृष्णबहादुर कार्कीका अनुसार घरमा राखिएको खाना पकाउने ग्यास लिक भएर वा विद्युत सर्ट भएर आगलागी भएको हुन सक्ने बताए ।
