काठमाण्डौं । नोबल कोरोना भाइरस (कोभिड–१९)ंबाट आज थप २ हजार २९५ जनामा संक्रमण पुष्टि भएको छ ।
देशैभरको विभिन्न प्रयोगशालामा गरिएको १६ हजार २३३ जनाको नमुना परिक्षण गर्दा सोमबार २ हजार २९५ जनामा संक्रमण देखिएको स्वास्थ्य तथा जनसंख्या मन्त्रालयले जनाएको छ ।
आज संक्रमण देखिएका मध्ये पीसीआर तर्फ ११ हजार ८९२ नमुना परिक्षण गर्दा १ हजार ९०२ जना र ४ हजार ३४१ जनाको एन्टिजेन गर्दा ३९३ जनामा संक्रमण देखिएको छ ।
यो सहित नेपालमा संक्रमितहरुको संख्या पीसीआर तर्फ ७ लाख ६१ हजार १२४ जना र एन्टिजेन तर्फ ८३ हजार ३६४ जना पुगेका छन् ।
त्यस्तै गरी सोमबार नै देशको विभिन्न स्थानमा बसोबास गर्ने १ हजार ८०८ जनाले कोरोना जित्न सफल भएका छने । यो सहित नेपालमा कोरोना जित्नेको संख्या ७ लाख १४ हजार ५२० जना पुगेको मन्त्रालयले जनाएको छ ।
त्यस्तै गरी पछिल्लो २४ घण्टामा कोरोना संक्रमणका कारण १६ जनाले ज्यान गुमाएका छन् । यो सुहित नेपालमा संक्रमणका कारण ज्यान गुमाउनेको संख्या १० हजार ७३० जना पुगेका छन् ।
