पर्सा । जगरनाथपुर गाउँपालिका २ बाट स्रोत नखुलेको करिब ११ लाख नगद सहित २ जनालाई प्रहरीले पक्राउ गरेको छ ।
प्रहरीले भारत बिहार पश्चिम चम्पारण ईनर्वा बजार बस्ने ४५ वर्षीय बृजकिशोर गिरी र पर्सा धोबिनी गाउँपालिका २ गुलरिया टोल बस्ने ५० वर्षीय रामपुकार पटेलबाट १० लाख ६३ हजार ६२० नेपाली रुपैयाँ र १ हजार ६०० भारतीय रुपैयाँ सहित उनीहरुलाई शनिबार साँझ पर्सा प्रहरीले पक्राउ गरेको हो ।
भारतबाट नेपालतर्फ आउँदै गरेको नम्बर प्लेट नभएको मोटरसाइकललाई ईलाका प्रहरी कार्यालय जानकीटोलाबाट खटिएको प्रहरीले चेक जाँच गर्ने क्रममा मोटरसाइकलको सिट मुनि लुकाई ल्याएको उक्त स्रोत नखुलेको नेपाली रुपैयाँ सहित मोटरसाइकल चालक गिरी र मोटरसाइकल सवार पटेललाई प्रहरीले पक्राउ गरेको पर्सा प्रहरीले जनाएको छ ।
पक्राउ परेका दुवै जनाको बारेमा प्रहरीले अनुसन्धान थालेको छ ।
