गोरखा । मनसुनी वायुको प्रभावले अझै २ दिनसम्म देशका अधिकांश भू–भागमा वर्षा हुने जल तथा मौसम पूर्वानुमान महाशाखाले जनाएको छ । महाशाखाका अनुसार अहिले देशभर सामान्यदेखि पूर्ण बदली रही अधिकांश स्थानमा हल्कादेखि मध्यम वर्षा भइरहेको छ ।
वर्षाका कारण नदीमा बहाव बढ्दा बाढीको खतरा बढेको भन्दै गण्डकी प्रदेशको तनहुँ, पर्वत, स्याङजा र नवलपुरबासीलाई सर्तक रहन महाशाखाले आग्रह गरेको छ ।
अर्कोतर्फ मनसुन सक्रिय हुँदा बाढीसँगै पहिरोको पनि खतरा छ । विभागले हरेक दिन विहान ७ बजे बाढीपूर्वानुमानका लागि दैनिक बाढी बुलेटिन जारी गरेको छ ।
विभागको टोल फ्री नम्बर ११५५ मार्फत जारी हुने एसएमएसबाट तपाईंको क्षेत्रमा हुनसक्ने सम्भाव्य बाढीसम्बन्धी जानकारी लिन र सावधानी अपनाउन सक्नुहुन्छ ।
