काठमाण्डौं । नोबल कोरोना भाइरस (कोभिड–१९)बाट आज १ हजार ८५७ जनामा संक्रमण पुष्टी भएको छ ।
देशैभरको विभिन्न प्रयोगशालामा गरिएको १३ हजार १७६ जनाको नमुना परिक्षण गर्दा १ हजार ८५७ जनामा संक्रमण देखिएको स्वास्थ्य तथा जनसंख्या मन्त्रालयले पुष्टी गरेको हो ।
संक्रमण देखिएका मध्ये ९ हजार ४०९ जनाको पीसीआर गर्दा १ हजार ५१६ जनामा र ३ हजार ७६७ जनामा गरिएको एन्टिजेन परिक्षणका क्रममा ३४१ जनालाई संक्रमण देखिएको हो ।
आज संक्रमण देखिएका सहित नेपालमा संक्रमितहरुको संख्या पीसीआर तर्फ ७ लाख ५८ हजार ८ जना र एन्टिजेन तर्फ ८२ हजार ७९७ जनामा संक्रमण देखिएको छ ।
शनिबार नै देशको विभिन्न स्थानमा रहेका २ हजार २२२ जनाले कोरोना जित्न सफल भएका छन् । यो सहित नेपालमा कोरोना जित्नेको संख्या ७ लाख १० हजार ४५२ जना पुगेको छ ।
त्यस्तै गरी पछिल्लो २४ घण्टामा कोरोना संक्रमणका कारण २७ जनाले ज्यान गुमाएका छन् । यो सहित नेपालमा संक्रमणका कारण ज्यान गुमाउनेको संख्या १० हजार ६९० जना पुगेको मन्त्रालयले जनाएको छ ।