बुटवल । लगातार वर्षाका कारण रुपन्देहीमा रहेको घोडाहा पुल भासिएको छ । पुल भासिए संगै पूर्वपश्चिम राजनमार्ग पूणरुपमा बन्द भएको छ ।
रातभर परेको पानीले रुपन्देहीको देवदह ९ मा रहेको घोडाहा खोलाको पुल भासिएको हो ।
भारी वर्षाका कारण रुपन्देहीका धेरै ठाउँ डुबानमा परेका छन् । जिल्लाको दक्षिणी मर्चवारक्षेत्र सँगै ओमसतिया, चिलिया, धकदयी, रुद्रपुरलगयातका ठाउँ डुबानमा परेको जिल्ला प्रहरी कार्यालय रुपन्देहीले जानकारी दिए ।
यस्तै बिच पूर्वपश्चिम राजमार्गअन्तर्गत नवलपरासी पश्चिम बर्दघाट नगरपालिका १० मा रहेको लण्डनब्रिज, सरावल गाउँपालिकाकाका बासा, भुताहा र सुनवल नगरपालिका १२ मा रहेको बडेरास्थित रहेको ड्राइभर्सन बगाएको छ ।
पुल र ड्राइभरर्सन भत्कीए संगै सडक अवरुद्ध भएको छ ।
यता बर्दघाट बजारमा पानी जमेर जलमग्न भएको छ । बर्दघाट नगरपालिकाको चिसापानी, लन्डन ब्रिजलगायतका क्षेत्रमा बढी डुबान भएको र घर तथा पसलहरूमा पानी पसेको बर्दघाट प्रहरीले जानकारी दिएको छ ।
