गोरखाको मस्र्याङदी नदीमा आएको बाढी
काठमाण्डौँ । नेपालमा मनसुन फेरी सक्रिय हुन थालेको छ । बङ्गालको खाडीमा विकसित न्यूनचापीय रेखा नेपालतिर सर्दै आएको र अरेबियन सागरको समेत जलवाष्प मिसिएकाले नेपालमा मनसुन पुनःसक्रिय भएको मौसम पूर्वानुमान महाशाखाले जनाएको छ ।
मौसम पूर्वानुमान महाशाखाले यो पटकको भदौरे झरी तराई केन्द्रित भएकाले त्यस क्षेत्रमा डुबान र कटानको खतरा बढी रहेको छ ।
तराईमा केही दिन अधिक भारी वर्षाको सम्भावना रहेको पनि महाशाखाले जनाएको छ । विशेषगरी लुम्बिनी क्षेत्र आसपास तराईका जिल्लामा लगातारको वर्षा केही दिनदेखि नै भइरहेको छ ।
यस्तै, पहाडका केही भूभागमा पनि भदौरे झरीको सम्भावना छ । झरी र ठुलो पानीका कारण बाढी र पहिरो जान सक्ने भन्दै महाशाखाले सबैलाई सतर्क रहन भनेको छ ।
गण्डकी, बागमती तथा सुदूरपश्चिमका पहाडी भेगमा भारी वर्षाको अनुमान गरिएको छ ।
भदौरे झरीका कारण कोसी, नारायणीलगायतका ठूला तथा साना नदीमा बहाव बढ्ने बाढी पूर्वानुमान महाशाखाले अनुमान गरेको छ ।
त्यस्तै पहाड हुँदै बग्ने कर्णाली, त्रिशूली, बूढीगण्डकी, मर्स्याङ्दी, कालीगण्डकी लगायतका नदीको बहाव पनि सतर्कता तहभन्दा माथि हुने जनाइएको छ ।
तराई छोएका कन्काई, कमला, बागमती, पूर्वी राप्ती, तिनाउ, राप्ती, बबईलगायतका ठूला नदीमा बहाव बढ्दा त्यहाँका बस्ती डुबानमा पर्ने सम्भावना रहेको महाशाखाले जनाएको छ ।
आगामी तीन दिनको मौसम पूर्वानुमान
२०७८ भदौ ११ गते (शुक्रबार)
दिउँसो : देशको अधिकांस भू(भागमा सामान्य देखि पूर्ण बदली रही धेरै स्थानहरुमा हल्का देखि मध्यम वर्षाको सम्भावना छ। प्रदेश १, प्रदेश २, बागमती, गण्डकी तथा लुम्बिनी प्रदेशको केही र सुदूरपश्चिम तथा कर्णाली प्रदेशका १–२ स्थानहरुमा मेघ गर्जन तथा चट्याङ्ग सहित भारी वर्षाको सम्भावना छ।
राति : देशभर सामान्य देखि पूर्ण बदली रही धेरै स्थानहरुमा हल्का देखि मध्यम वर्षाको सम्भावना छ। प्रदेश १, गण्डकी, लुम्बिनी , कर्णाली तथा सुदुरपश्चिम प्रदेशका थोरै स्थानमा मेघ गर्जनरचट्याङ्ग सहित भारीरधेरै भारी र बाकी प्रदेशका १–२ स्थानहरुमा मेघ गर्जन सहित चट्याङ्ग र भारी वर्षाको सम्भावना छ ।
२०७८ भदौ १२ गते (शनिबार)
दिउँसो : देशको अधिकांस भू(भागमा सामान्य देखि पूर्ण बदली रही धेरै स्थानहरुमा हल्का देखि मध्यम वर्षाको सम्भावना छ। प्रदेश १, गण्डकी, लुम्बिनी , कर्णाली तथा सुदुरपश्चिम प्रदेशका थोरै स्थानमा मेघ गर्जन सहित चट्याङ्ग परिी भारी बर्षा र बाकी प्रदेशका १–२ स्थानहरुमा मेघ गर्जन सहित चट्याङ्ग परी भारी वर्षाको सम्भावना छ।
राति : देशभर सामान्य देखि पूर्ण बदली रही धेरै स्थानहरुमा हल्का देखि मध्यम वर्षाको सम्भावना छ। गण्डकी, लुम्बिनी , कर्णाली तथा सुदुरपश्चिम प्रदेशका १–२ स्थानहरुमा मेघ गर्जनरचट्याङ्ग सहित भारी वर्षाको सम्भावना रहेको छ ।
२०७८ भदौ १३ गते (आइतबार)
दिउँसो : देशको अधिकांस भू–भागमा सामान्य देखि पूर्ण बदली रही धेरै स्थानहरुमा हल्का देखि मध्यम वर्षाको सम्भावना छ । प्रदेश १, प्रदेश २ तथा सुदुरपश्चिम प्रदेशका थोरै स्थानमा मेघ गर्जन सहित चट्याङ्ग पर्ने र भारी बर्षाको सम्भावना छ ।
राति : देशभर सामान्य देखि पूर्ण बदली रही धेरै स्थानहरुमा हल्कादेखि मध्यम वर्षाको सम्भावना छ। प्रदेश १, बागमती, गण्डकी र लुम्बिनी प्रदेशका थोरै स्थानहरुमा मेघ गर्जन सहित चट्याङ्ग पर्ने र भारी वर्षाको सम्भावना रहेको छ ।
