काठमाण्डौं । महाकाली नदी तर्ने क्रममा भारतीय सुरक्षाकर्मीले तुइन चुडाउँदा बेपत्ता भएका दार्चुलाका जयसिंह धामीको परिवारलाई सरकारले १० लाख रुपैयाँ आर्थिक सहायता उपलब्ध गराउने भएको छ ।
मन्त्रिपरिषद्को बैठकले धामीको परिवारलाई १० लाख रुपैयाँ आर्थिक सहायता उपलब्ध गराउने निर्णय गरेको हो ।
भारतको बाटो भएर सदरमुकाम खलंगा आउने क्रममा तुइनमार्फत पार गर्दै गर्दा भारतीय प्रहरी एसएसबीaका जवानले तार काटीदिदा धामी साउन १५ गत महाकालीमा खसेर बेपत्ता भएका थिए ।
बेपत्ता भइरहेका धामीको खोजी जारी रहेको भएता पनि अहिले सम्म केही पत्तो लाग्न सकेको छैन । उक्त घटनाको छानबिनका लागि सरकारले साउन १७ गते गृह मन्त्रालयका सहसचिव जनार्दन गौतमको नेतृत्वमा ५ सदस्यीय समिति गठन गरेको थियो ।
समितिले अझै प्रतिवेदन बुझाइसकेको छैन ।
