काठमाण्डौं । नोबल कोरोना भाइरस (कोभि८–१९)बाट आज थप २ जहार ४३३ जनामा संक्रमण पुष्टी भएको छ ।
देशको विभिन्न प्रयोगशालामा गरिएको १४ हजार ३७४ जनाको नमुना परिक्षण गर्दा बिहीबार २ हजार ४३३ जनामा संक्रमण देखिएको स्वास्थ्य तथा जनसंख्या मन्त्रालयले पुष्टी गरेको हो ।
आज संक्रमण देखिएका मध्ये ९ हजार ७०२ जनाको पीसीआर परिक्षण गर्दा २ हजार ५२ जना र ४ हजार ६७२ जनाको एन्टिजेन परिक्षण गर्दा ३८१ जना गरी २ हजार ४३३ जनामा कोरोना भाइरस संक्रमण देखिएको छ ।
यो सहित नेपालमा कोरोना संक्रमण पुष्टी हुनेहरुमा पीसीआर तर्फ ७ लाख ५४ हजार ९१५ जना र एन्टिजेन तर्फ ८१ हजार ९६८ जना संक्रमित भएका छन् ।
बिहीबार नै देशको विभिन्न भागमा बसोबास गर्ने १ हजार ९२९ जनाले कोरोना जित्न सफल भएका छन् । यो सहित नेपालमा कोरोना जित्नेको संख्या ७ लाख ५ हजार ८९३ जना पुगेका छन् ।
त्यस्तै पछिल्लो २४ घण्टामा कोरोना संक्रमणका कारण २६ जनाले ज्यान गुमाएका छन् । यो सहित नेपालमा कोरोना संक्रमणका कारण ज्यान गुमाउनेको संख्या १० हजार ६३८ जना पुगेको मन्त्रालयले जनाएको छ ।