काठमाण्डौं । इङ्लिस काराबाओ कपमा आर्सनलले वेस्ट ब्रोममाथि फराकिलो जीत निकालेको छ ।
बुधबार राति भएको दोस्रो चरणको खेलमा आर्सनलले वेस्ट ब्रोममाथि उसैको मैदानमा ६–० गोलअन्तरले फराकिलो जीत निकालेको हो ।
आर्सनलको जीतमा पेइरे–इमरिक औबामेयाङले ह्याट्रिक गोल गरे भने निकोलास पेपे, बुकायो साका र एलेक्जान्द्रे लाकाजेट्टेले १–१ गोल गरे ।
खेलको १७औं मिनेटमा औबामेयाङ गोल गर्दै आर्सनललाई सुरुआती अग्रता दिलाएका थिए ।
४५औं मिनेटमा उनले खोस्रो गोल गर्दै आर्सनलको अग्रता दोब्बर बनाए ।
पेपेले पहिलो हाफको इन्ज्युरी समयमा गोल गरेपछि आर्सनलले ३–० गोलको अग्रता बनायो ।
५०औँ मिनेटमा साकाले गोल गर्दै आर्सनलको अग्रता अझ फराकिलो बनायो ।
६२औँ मिनेटमा औबामेयाङले गोल गर्दै ह्याट्रिक पूरा गरे भने ६९औं मिनेटमा लाकाजेट्टेले गोल गर्दै आर्सनललाई ६–० गोलको जित दिलाए ।
यस जीतसँगै आर्सनल अघिल्लो चरणमा प्रवेश गरेको छ ।
