काठमाण्डौं । नोबल कोरोना भाइरस (कोभिड–१९)बाट आज थप २ हजार ४८२ जना संक्रमण पुष्टी भएको छ ।
देशैभरको विभिन्न प्रयोगशालामा गरिएको १५ हजार २९० जनाको नमूना परिक्षण गर्दा २ हजार ४८२ जनामा संक्रमण देखिएको स्वास्थ्य तथा जनसंख्या मन्त्रालयले जनाएको छ ।
बुधबार संक्रमण देखिएका मध्ये ९ हजार ७११ जनाको पीसीआर गर्दा १ हजार ८६२ जना र ५ हजार ५७९ जनामा एन्टिजेन परिक्षण गर्दा ६२० जनामा संक्रमण देखिएको हो ।
आज संक्रमण देखिएका सहित नेपालमा संक्रमितहरुको संख्या पीसीआर तर्फ ७ लाख ५२ हजार ८६३ जना र एन्टिजेन तर्फ ८१ हजार ५८७ जनामा पुगेका छन् ।
पछिल्लो २४ घण्टामा १ हजार ७८१ जनाले कोरोना जित्न सफल भएका छन् । यो सहित नेपालमा कोरोना जित्नेको संख्या ७ लाख ३ हजार ९६४ जना पुगेका छन् ।
त्यस्तै, पछिल्लो २४ घण्टामा संक्रमणका कारण ४४ जनाले ज्यान गुमाएका छन् यो सहित नेपालमा ज्यान गुमाउनेको संख्या १० हजार ६१२ जना पुगेको मन्त्रालयले जनाएको छ ।